До средината на октомври, американската вселенска агенција НАСА ќе ги запре мисиите на Црвената планета, додека Земјата и Марс се наоѓаат на различни страни од Сонцето.
НАСА соопшти дека иако инженерите ќе престанат да испраќаат наредби, мисиите ќе продолжат со собирање податоци на Марс за време на соларната конјукција, што се случува на секои две години.
За време на соларната конјукција, гасот исфрлен од Сонцето може да им пречи на радиосигналите ако инженерите се обидат да комуницираат со вселенските летала на Марс.
Тоа може да ги попречи наредбите и да даде неочекувани резултати од истражувањата во длабоката вселена, изјавија од Агенцијата.
„Иако нашите мисии на Марс нема да бидат толку активни во следните неколку недели, сепак ќе бидеме известени за настаните“, изјави Рој Гладен од НАСА.
