Американската вселенска агенција НАСА објави трејлер за претстојното лансирање на вселенскиот ровер Perseverance на Марс.
Лансирањето е закажано за утре(30 јули), а НАСА објави видео во кое ја сумира целата мисија.
Роверот Perseverance требаше да биде лансиран на 17 јули, но поради технички проверки, тоа беше одложено за две недели. Роботот со големина на мал автомобил ќе бара знаци на живот и, можно постоење на микроби на Марс – сега или во минатото. Натаму, ќе има и проучување на климата и геологијата, односно ќе се собираат примероци од карпите и од почвите.
Досега само Американците успеаја да спроведат подолги мисии со ровер на Марс, наречени „Pathfinder“, „Spirit“, „Opportunity“ и „Curiosity“ – кој е единствен кој е уште во функција.
Претходните американски ровер-мисии покажаа дека животот на Марс е можен, т.е. дека постојат поволни услови за живот (јаглерод, вода и поволна клима).
Во називот на трејлерот порачуваат: „Посакајте му среќа на роверот Perseverance!“.
Погледнете го трејлерот: