Американската вселенска агенција откри нова планета надвор од Сончевиот систем, трипати поголема од Земјата. Планетата е откриена со сателитот Тес, а наречена е HD 21749.
Според првите анализи, една година на новооткриената планета трае драстично пократко во однос на Земјата. Сместена е во атмосфера на тешки гасови и содржи поголема количина вода поради што е 23 пати потешка од Земјата.
Се проценува дека просечна температура на површината на планетата изнесува 150 степени Целзиусови. HD 21749 околу својата ѕвезда патува 36 дена, значи десетина пати пократко од патувањето на Земјата околу сонцето.
Сателитот Тес НАСА го лансираше минатата година со помош на ракетата Falcon 9. Негова двогодишна задача е да ги истражува небесните тела надвор од Сончевиот систем.
Деталниот извештај од откритието е објавен во Astrophysical Journal Letters.