НАСА најверојатно најде идеално подрачје за развој на живот на една месечините на Сатурн. По тој повод Американската вселенска агенција закажа за денес вонредна прес-конференција на која ќе ги објави деталите од откритието што ќе има влијание врз идното истражување на "океанските светови".
Кит Кауинг, аналитичар и поранешен вработен во НАСА тврди дека нејзините научници откриле хемиска активност во хидротермалните извори во океанот на месечината Enceladus.
„НАСА во четврток ќе објави докази за хидротермална активност на дното на океанот покриен со мраз на Сатурн Овата месечина Enceladus, каде најверојатно се создава метан од јаглерод диоксид“, тврди Кауинг.
Enceladus е шестата месечина на Сатурн и е широка околу 504 километри. НАСА соопшти дека новите откритија се концентрираат на откритијата на леталото Cassini што орбитира околу Сатурн и вршеше испитувања на неговите месечини.
Истражувањата на леталото Cassini покажаа хидротермална активност во процепите од каде излегува водена пареа со ледени честици од океанот што се наоѓа под ледената покривка на површината на месечината.
Иако изгледа "негостопримливо" како другите месечини на Сатурн, опсервациите на Enceladus укажуваат дека може да има состојки што поддржуваат развивање живот.
