Наука

НАСА стигна до најоддалечениот објект во Сончевиот Систем

2. јануари 2019 - 13:34 | Б.С.Б.

Американската вселенска агенција НАСА во Новата година влезе со историско откритие, објавувајќи фотографија на најоддалечениот објект кој некогаш е посетен во Сончевиот Систем.

Сондата New Horizons испрати фотографија од небесното тело Ultima Thule. Контролорите во Лабораторијата за применета наука на Универзитетот Џон Хопкинс го прославија моментот кога сигналот од леталото беше снимен на земјата.

„Постојат две работи кај Ultima Thule, а се важни за науката. Првин, бидејќи е толку далеку од Сонцето, сончевите зраци едвај се пробиваат, температурите се на апсолутна нула. Како резултат од тоа, сè е замрзнато, така што небесното тело е сочувано во оригиналната состојба“, објаснува Алан Стерн од НАСА.

Станува збор за објект долг 32 километри, а фотографијата е направена од околу 800.000 километри.

Коментирај