Американската компанија „Facebook“ би можела да се вклучи во борбата за правата за пренос на Премиер Лигата, откако ќе истече актуелниот договор на лигата со BT Sports.
BSkyB и BT ги откупија правата за телевизиски пренос на Премиер лигата во 2016 година за рекордна сума од 8,4 милијарди фунти, и нивниот договор со Фудбалската Асоцијација на Англија завршува во 2019 година.
Како најсериозен кандидат за следен сопственик на правата за пренос се смета американската компанија „Facebook“, која сака да ги откупи правата од 2019 до 2022 и да ги стрима на својата социјална мрежа.
Ед Вудвард, потпретседателот на Манчестер Јунајтед, минатата недела им соопштил на инвеститорите во Њујорк дека луѓе од „Facebook“ и „Amazon“ биле силно заинтересирани за да ги откупат правата за пренос на наредната аукција која ќе ја одржи ФА.
Огромните суми кои се вртат околу телевизиските права за пренос на Премиер лигата се клучен дел од успехот на англиските клубови во европските натпреварувања, бидејќи голем дел од парите одат токму во нивните буџети.
