Генералниот директор на Светската здравствена организација (СЗО) Тедрос Адханом Гебрејесус изрази длабока загриженост поради брзото глобално ширење на пандемијата со коронавирусот која зафати 205 земји и територии.
Тој истакна дека СЗО, Светската банка и ММФ ги поддржале програмите за помош на земјите во развој, со цел да се изборат со социјалните и економските последици од пандемијата.
Гебрејесус нагласи дека во изминатите пет недели е регистриран речиси експоненцијален раст на бројот на нови заразени случаи, а бројот на починати е повеќе од двојно зголемен минатата недела.
– Во следните денови ќе достигнеме бројка од еден милион потврдени случаи на зараза од COVID-19 и 50.000 жртви во светот, предупреди генералниот директор на СЗО на последниот брифинг.