Кијану Ривс и Кери-Ен Мос повторно ќе ги видиме во улогите на Нео и Тринити, иако на крајот на третиот дел сведочевме на нивната смрт. Режисер ќе биде Лана Вачовски, како и сценарист на четвртиот дел на филмот.
Warner.Bros го откри датумот на премиера, четвртото продолжение ќе биде прикажано на 21 мај 2021 година, среде сезона на блокбастери. Тоа не е сè, премиерата на филмот ќе биде истиот ден кога ќе се прикаже и „John Wick 4“, филм во кој Ривс исто така ја толкува главната улога.
Во филмот, покрај Ривс и Мос, ќе ги видиме Нил Патрик Харис, Џесика Хенвик и Јахја Абдул Матин.
„Многу сме возбудени затоа што повторно влегуваме во Матрикс со Лана, таа е вистински визионер, единствен и оригинален творец. Одушевени сме што ќе го пишува, режира и продуцира новото поглавје во универзумот на Матрикс“, изјави Тоби Емерих од Warner Bros. за Variety.
Matrix наполни 20 години, но не го изгуби културното значење. Режисерката Лана Вачовски неодамна изјави дека многу идеи, истражувани пред 20 години за нашата реалност, сега се уште порелевантни.
