Германската стартап компанија Sono Motors го претстави својот автомобил на соларен погон – моделот Sion кој ќе започне да се продава во 2023 година.
Компаниајта на прототипот работеше цели 9 месеци, а резултат е автомобил опремен со 248 соларни ќелии кои на неделно ниво можат да го дополнат возилото за да помине дополнителни 245 километри.
Тоа значи дека за градско возење или кратки релации ќе биде доволно само соларно полнење, а за поголем домет на батериите автомобилот може да се полни со стадардните полначи.
Со полна батерија Sion може да помине 305 километри, а до 80% се полни само за 35 минути со брз полнач.
Автомобилот е опремен со V2X технологија која на Sion му овозможува да служи како складиште за електрична енергија и да ги напојува уредите, другите електрични возила, па дури и целата куќа.
Компанијата разви и апликација Sono која на корисниците ќе им овозможи да ја одредат количината на електрична енергија која ќе биде трансферирана од автомобилот.
Нарачките се во тек, а досега пристигнале 16 илјади резервации. Цената на овој модел е 28.500 евра.
