Компанијата Apple во април ќе претстави нова линија на iPad уреди.
Станува збор за новиот iPad Pro, новиот iPad mini со поголем екран и освежена верзија на основниот iPad.
Новиот iPad Pro ќе биде достапен во две верзии и ќе има сличен дизајн како минатогодишниот 11 и 12,9-инчен iPad Pro, но ќе добие подобар процесор. И двата модела ќе добијат понапредни камери.
12,9-инчниот iPad Pro ќе има Mini LED екран со подобар контраст.
Познатиот аналитичар Минг-чи Куп рече дека Apple ќе започне со производство на Mini LED iPad кон средината или крајот на април.
Додаде дека компанијата работи на Mini LED таблети и лаптопи уште од 2019 година, а уште во септември најави дека првиот уред со Mini LED екран ќе стане 12,9-инчен iPad Pro. Тој очекува да се појави Mini LED MacBook Air до 2022 година, како и дека поевтините iPad уреди ќе преминат на OLED екрани.
Компанијата работи и на iPad mini со екран поголем од 7,9-инчниот екран кој се користи за најмалиот таблет на Apple.
Технолошкиот гигант планира да го освежи најевтиниот iPad со нов дизајн кој е полесен и потенок. Тоа ќе се случи во текот на оваа година, а Apple го освежи основниот iPad во септември.
