Над 10,8 милијарди долари за данок за наследство треба да платат наследниците на Ли Кун Хи, претседател на телекомуникацискиот гигант Samsung, кој почина во октомври, јавија локалните медиуми.
Семејството на Ли преку Samsung Electronics соопшти дека даноците на наследство ќе изнесуваат повеќе од половина од вредноста на вкупниот имот на починатиот, додавајќи дека вкупниот данок од 12 трилиони корејски вони е „еден од најголемите во Јужна Кореја и на глобално ниво“.
Според семејството, износот е три до четирипати поголем од вкупниот приход на јужнокорејската Влада од данок на недвижен имот во 2020 година.
Новинската агенција Yonhap (주식회사 연합뉴스) објави дека тоа ќе биде најголемиот данок во историјата на Јужна Кореја.
Семејството најави дека ќе ја плати сумата на шест рати за пет години, почнувајќи од овој месец.
„Наша граѓанска должност и одговорност е да ги платиме сите даноци“, изјавија тие.