Натпреварите во Бундеслигата најверојатно ќе се играат без публика, не само до крајот на оваа сезона, туку и до крајот на 2020 година.
Ова во интервју за New York Times го изјави главниот извршен директор на Лигата, Кристијан Зајферт.
Шефот додава дека сите екипи од германската елита веќе тренираат и уште еднаш го потврдија планот за обновување на сезоната на почетокот на мај и завршување пред 30 јуни.
Натпреварите ќе се играат на сите 36 стадиони на екипите од Првата и Втората Бундеслига. Според Заjферт, во овие услови нема да има летен трансфер прозорец во Европа.
– На краток рок, јас би рекол дека трансфер пазарот нема да постои ова лето, тој ќе пропадне. Некои агенти одеднаш ќе сфатат дека ќе треба да работат напорно или барем да работат, некои лиги ќе сфатат дека парите не се нешто што автоматски паѓа секој месец од небото, рече Зajферт.
