Научници од најголемиот медицински истражувачки центар во Латинска Америка го снимија моментот кога коронавирусот инфицира клетка откако ја нападнал.
Експерти од бразилската Фондација Освалдо Круз ја направија оваа снимка додека го проучуваа размножувањето на вирусот SARS-Cov-2. Тимот детално ја сними постапката во која коронавирусот инфицира клетки, снимката е направена со помош на електронски микроскоп со можност за зголемување до два милиони пати.
Сликите прикажуваат низа темни точки кои се вирусни честички од патогенот. На првата фотографија овие честички се обидуваат да влезат во цитоплазмата на клетката.
На втората фотографија може да се види моментот во кој SARS-CoV-2 го започнува процесот на инфекција.
На третата фотографија вирусните честички се во клетката.
Користените клетки не се човечки, наведуваат научниците во изјава, туку се работи за клетки изворно изолирани од животни во истражувачки лаборатории, пренесе британски Telegraph.
