Тим научници од Аргентина тврди дека е откриен нов огромен диносаурус грабливец кој имал голема глава, а многу мали раце за својата големина, пренесе BBC.
Студијата е објавена во научното списание Current Biology и во неа се објавени големи остатоци од костур на непознат вид пронајден во северна Патагонија. Станува збор за Meraxes gigas долг 11 метри, со глава долга околу метар и 20 сантиметри, а раце долги само 60 сантиметри.
Научниците веруваат дека малите раце на овој грабливец му давале предност во преживувањето.
„Уверен сум дека овие пропорционални мали раце имале некоја функција, скелетот го покажува тоа, рацете имале силни мускули“, вели Хуан Канале, водач на студијата.
Според истражувачот Петар Маковицки, рацете на диносаурусот биле двојно пократки од должината на неговиот череп и со рацете буквално не можел да ја дофати устата.
„Можеби рацете се користеле за репродуктивно однесување како што е држење на женката во текот на парење или поддржување за да се исправи по пад или одмор“, Хуан ја објасни можната улога на рацете.
Meraxes gigas името го доби по име на змеј од серијалот книги Game of Thrones. Се верува дека ова животно тешко 4 тони шетале по земјата пред 90 до 100 милиони години.