Се работи за животно со овален облик кое е старо околу 558 милиони години, и кое има површински сличности со медузата која и денес постои. Ова е најстарото животно досега откриено, а научниците го нарекоа Dickinsonia.
Научниците пронајдоа остатоци од животното, познато како Dickinsonia, кои беа толку зачувани што уште содржеа молекули од холестерол.
Холестеролот е знак на животинско потекло, пишува екипата за магазинот Science. Dickinsonia припаѓа на група животни наречена Ediacaran biota. Тие се првите сложени мултиклеточни организми кои се појавиле на Земјата. Досега беше многу тешко да се класифицираат и нивната позиција на дрвото на животот беше една од најголемите мистерии во палеонтологијата.
Различни научници ги класифицираа како лишаи, фунги, протозоани и како меѓу-скалило помеѓу растенија и животни. Новата анализа на примерокот пронајден во северозападна Русија ја сместува Dickinsonia во животинското царство.
„Научниците со години се обидуваа да откријат од какво потекло е настанат фосилот Dickinsonia, а новиот примерок ја реши таа дилема – тој доаѓа од животинско потекло. Со ова откритие го најдовме Светиот грал на палеонтологијата“, вели доктор Јохен Брокс, ко-автор на истражувањето.
Видот Ediacaran biota се појавил пред 600 милиони години и опстојувал на Земјата десетици милиони години, пред да се случи Камбријанската ексползија.