Научниците имаат сѐ повеќе докази дека изворот на SARS-CoV-2 е надвор од Кина

Научниците кои се обидуваат да го утврдат потеклото на вирусот што го предизвикува COVID-19 велат дека има сѐ повеќе докази кои укажуваат на тоа дека истрагата треба да се прошири и надвор од Кина.

По првиот потврден случај на COVID-19, што кинескиот град Вухан го стави во центарот на светската јавност во декември 2019 година, истражувачите кои се обидоа да откријат како и од каде потекнува вирусот што го предизвикува потенцијално смртоносното заболување, се концентрираа на Кина.

Најблискиот познат роднина на патогенот, со идентичен геном од 96 проценти, е другата форма на коронавирусот што беше откриена на почетокот на 2020 година во јужната кинеска провинција Јунан.

Неколку неодамнешни истражувања, меѓутоа, открија неколку вируси кои се речиси слични на SARS-CoV-2 како оној од Јунан, но појужно, во Камбоџа и Тајланд, пишува Voice of America.

Вирусолозите од неодамнешната мисија во Вухан, испратена од Светската здравствена организација да го испитаат потеклото на COVID-19, исто така, веруваат дека во следната фаза на ова истражување, Југоисточна Азија треба да се додаде во областа на интерес.

Нивниот совет е да се следат лилјаците. Некои видови на овие летечки цицачи се добро познати резервоари на формите од семејството на коронавируси и водечки кандидати како извор на SARS-CoV-2.

Научниците веќе идентификуваа повеќе од 100 форми на коронавирус поврзани со SARS низ Кина, вели Питер Дазак, еден од вирусолозите вклучени во мисијата во Кина.

– Сепак, ние не направивме доволно истражување во Мјанмар, Лаос и Виетнам за навистина да кажеме дека нема уште повеќе во тие земји, рече Дазак за Voice of America.

– Кога обележувате на картата каде живеат лилјаците кои ги пренесуваат овие вируси, тогаш почнувате да забележувате дека во оние земји на јужната кинеска граница има уште повеќе видови лилјаци, а веројатно и повеќе видови вируси. Значи, постои можност дека вирусот потекнува од провинцијата Јунан, но мојата најдобра проценка е дека треба да ги испитаме Мјанмар, Лаос, Виетнам и уште појужно - целиот регион на Југоисточна Азија како потенцијално жариште, рече Дазак.

Кина одби да обезбеди оригинални податоци за најраните пациенти со COVID-19.

– Дури и без тоа, додава Дазак, кинеските научници и делегацијата на СЗО се согласија дека патот по кој SARS-CoV-2 најверојатно стигнал до луѓето е од лилјаците преку некој вид одгледувано диво животно, кое служело како пренесувач.

На почетокот на минатата година, научници од Кина и Австралија објавија дека пронајдоа вируси повеќе од 90 проценти идентични со SARS-CoV-2 во малајските панголини (лушпести мравојадци) – што може да биде потенцијален вектор затоа што луѓето ги ловат за нивните  лушпи и месо. Овие панголини се шверцуваат во јужна Кина од Југоисточна Азија.

Неколку месеци подоцна, научниците ги открија предците на вирусот SARS-CoV-2 во лилјаците потковичари, кои се собрани во Камбоџа и биле замрзнати повеќе од една деценија. Во нивните извештаи, тие наведоа дека откритието „сугерира дека вирусите поврзани со SARS-CoV-2 живеат на многу поголема географска област отколку што се сметаше претходно и дека Југоисточна Азија е клучна област што треба да се разгледа при барање на потеклото на SARS-CoV-2, што сѐ уште трае“.

Тагови
реклама

Во Кина откриен нов вид џиновски носорог, поголем од жирафа

Read more

На Ериксен ќе му биде вграден уред кој спасува живот, но носи и низа опасности

Read more

Четири хороскопски знаци кои привлекуваат сè околу себе

Read more

Емотивен момент во кампот на данската репрезентација: Се појави Кристијан Ериксен

Read more

Вести

Пристигнаа првите астронаути во кинеската вселенска станица

Read more

SpaceBok е првиот робот дизајниран за Марс

Read more

Колку килограми кармин јадеме во просек во текот на животот?

Read more

Првиот квантен компјутер во Европа инсталиран во Германија

Read more
 

Гик

Во Кина откриен нов вид џиновски носорог, поголем од жирафа

Читај повеќе

Три нови опции на Facebook Messenger

Читај повеќе

Триесет и четири жени го тужат Pornhub

Читај повеќе
  • play_arrow

Пристигнаа првите астронаути во кинеската вселенска станица

Читај повеќе
  • play_arrow

SpaceBok е првиот робот дизајниран за Марс

Читај повеќе
  • play_arrow

Објавен трејлер за видеоиграта „Pokemon Unite“

Читај повеќе

Колку килограми кармин јадеме во просек во текот на животот?

Читај повеќе

Луѓето еволуираат побрзо од кога било, а причината не се генетските промени

Читај повеќе
  • filter

Motorola Defy почнува нова ера за издржливи мобилни телефони

Читај повеќе