Со зголемувањето на климатските промени и другите еколошки проблеми, истражувачите и екологистите бараат решенија за да се запре уништувањето на нашата планета.
Така, дојдоа до идеја да направат биоразградливи заштитни ракавици.
Научниците, лекарите и компаниите користат три милиони тони заштитни ракавици од латекс секоја година, а поради пандемијата на коронавирусот, тој број постојано се зголемува. Повеќето заштитни ракавици се изработени од синтетика и завршуваат на депонија, каде што се распаѓаат 100 години.
Научниците од универзитетот Кранфилд во Бедфордшир развија нов вид природен латекс кој може да се распадне за неколку недели и исто така е многу подобар за околината.
Досега се користеше синтетички латекс направен од петролеум кој се распаѓа за приближно 100 години. Ова е природен латекс направен од гумено дрво што се распаѓа за само неколку години. Тоа е нов вид латекс што научниците го произведуваат во лабораторија и велат дека овој вид латекс може да се распадне за само неколку недели.
Овие заштитни ракавици исто така и побрзо ќе се произведуваат, со што ќе се намали и количеството на испуштен јаглерод диоксид.
Проектот е финансиран од медицинска компанија која започна со производство на вакви ракавици во Малезија. Тие се надеваат дека следната година ќе отворат фабрика за производство во Англија, пишува BBC.
