Докторите се на пат да откријат таблета која помага при ублажување на алергија на кикирики, а научниците истакнале дека овој лек ќе ги промени животите на сите луѓе кои се соочуваат со овој здравствен проблем.
Според истражувањата, од сите алергии на храна кикирики се издвојува како еден од најголемите алергени, а процентот на лица кои ја имаат оваа алергија тројно се зголемил од 1997 година.
Меѓутоа, нови медицински истражувања покажуваат ветувачки резултати меѓу оние кои се тестирани, а се однесуваат на можно излекување од алергијата на кикирики.
Биотехнолошката компанија „Aimmune Therapeutics“, во САД извршила клиничко испитување во кое докторите создале таблети, во кои се наоѓало кикирики брашно со посебна формула и им биле давани на деца и тинејџери.
На крајот на годината било утврдено дека речиси 67 отсто од 500 испитаници можеле да толерираат 660 милиграма протеини од кикирики.
Меѓутоа, тоа не значи дека секое лице дома може да купи брашно од кикирики и да се тестира на алергии, затоа што и во текот на контролираното испитување доаѓало до различни реакции на кикирики кај поединечни деца, кои најчесто се забележувале на лицето.
Од резултатите е видливо дека табелата нема да им „дозволи“ на лицата кои се алергични без размислување да консумираат путер од кикирики и други производи кои содржат кикирики во големи проценти.
Меѓутоа, ќе помогне при намалување на опасностите кои кикирики може да ги предизвика кај луѓето, а при тоа се мисли на смртните последици кои не се занемарливи.
Од компанијата „Aimmune Therapeutics“ очекуваат до крајот на оваа година да биде докажано дека овие таблети се безбедни за користење, па така според зборовите на извршниот директор на компанијата, тие таблети би чинеле меѓу пет и десет илјади долари за првите шест месеци од лекувањето, а потоа пациентите би плаќале 400 долари месечно.
