Неодамна на површината на Марс се урна метеорит кој направи кратер широк 15 до 16 метри. Како доказ за тоа е фотографијата што ја направи Mars Reconnaissance Orbiter на НАСА, кој веќе 13 години фотографира на површината на Црвената планета.
Фотографијата во боја е снимена во април, а објавена е на 6 јуни. На неа може да се забележи трансформацијата од монотона црвенкаста површина во голема црно-сина дупка. Со оглед на тоа што леталото не го снимил ударот, не е познато кога точно настанал кратерот. Се претпоставува дека е создаден меѓу септември 2016 година и февруари 2019 година.
Според експертите од НАСА, ова е еден од најголемите понови кратери кои имале прилика да го видат. Овој настан се опишува како потсетник дека вселената е непозната за човештвото и дека не знаеме што се крие во неа. Кога станува збор за марсовскиот кратер, најмногу внимание привлекува сината боја која би можела да укажува на лед кој се наоѓа под црвениот песок.