Дојде време да ја извадиме внимателно подготвената зимска храна од шпајз и со неа да ја украсиме празничната и секојдневната трпеза... Придобивките од туршијата, киселата зелка и краставиците се многубројни, и не станува збор само за вкусен и практичен зеленчук без кој ретко кој оброк може да помине, туку се работи и за исклучително здрава храна.
Со конзумирање на зимница ќе го зајакнеме имунолошкиот систем, ќе ги внесеме потребните витамини во нашиот организам, но и поволно ќе влијаеме на дигестивниот тракт кој едноставно ќе биде преоптоварен поради празничните прејадувања.
Нутриционистката Тања Олајџија даде свое мислење за туршијата – што е најздраво, а што не треба се консумира.
„Домашната туршија е фантастичен извор на витамини и влакна кој ја создаваат потребната рамнотежа на, во овој период од годината, често пребогатите оброци. Во процесот на ферментација зеленчукот добива дополнителни витамини, па туршијата е извор на витамин К, витамини од групата Б, како и особено важни и ретки во растителната храна - Б12. Освен тоа, туршијата е вистинско богатство на пробиотски култури кои прават чуда за нашиот дигестивен тракт – го олеснуваат варењето, спречуваат запек, гасови и надуеност. Природните пробиотици ќе се погрижат и за зајакнување на нашиот имунолошки систем, ќе го балансираат нивото на холестерол и ќе делуваат превентивно на ракот на дебелото црево и другите хронични заболувања“, објаснува диететичарот-нутриционист Тања Олајџија.
Сите горенаведени предности на туршијата важат и за киселите краставички, но овие омилени зелени овошја имаат дополнителен плус - ниска калориска вредност, поради што се вклопуваат во секоја диета за слабеење.
„Краставички, карфиол, моркови и пиперки - сите се вреден извор на витамин Ц во зима, кој не штити од вирусни инфекции. Сепак, како омилена би ја издвоила киселата зелка, кисела на традиционален начин, без никакви конзерванси. Водата во која е закиселена - расолница - може да се пие и да се користи како додаток во оброците. Расолницата е многу богата со микронутриенти и ја зајакнува цревната флора, но штити и од чир на желудникот“, додава таа.
На интернет често може да се најдат совети дека е здраво и корисно да се пие дури и вода во која стоеле кисели краставички. Сепак, нашата соговорничка вели дека тоа не одговара на вистината, и дека за разлика од расолницата, тоа не би го препорачала.
„Поради високата содржина на сол, ова е апсолутна контраиндикација за сите бубрежни и срцеви болни. Во оваа вода често се додава и шеќер, а да не зборуваме за конзерванси - ако сте купиле краставици или самите сте додале некој вид конзерванс, тогаш навистина не е препорачливо да ја пиете оваа вода. Аргументот дека оваа вода е богата со витамини од краставиците не е задоволителен бидејќи тие (ако ги ставиме на парче, не исечкани) ги задржуваат речиси сите витамини во нив, па овој аргумент секако не ја оправдува огромната содржина на сол и конзерванси кои на тој начин би ги внесле“, објасни таа.