Еден од главните руски опозиционери и иден кандидат за претседател на изборите во Русија во 2018 година Алексеј Навални, нема да може да се кандидира поради тоа што порано бил осудуван, изјави шефот на Централната изборна комисија Ела Памфилова.
Навални е осуден за злоупотреба на шумарската компанија „Кировлес“, а според руските закони, на лице осудено за такво дело му се заканува казна затвор до 10 години.
Навални се противи на тоа и вели дека не постои правна пречка да се кандидира бидејќи рускиот устав јасно вели дека кандидат за претседател не може да биде некој кој активно отслужува казна, додека тој е на издржување условна казна.