Јадењето премногу шеќер е лошо за вашиот физички изглед и целокупното здравје, а многу намирници имаат повеќе шеќер отколку што мислат луѓето.
Ако обрнете внимание на етикетите, можете да видите дека некои сосови и млечни производи имаат повеќе шеќер отколку што мислевте. Затоа, се препорачува повнимателно да ги избирате намирниците за вашите дневни оброци.
Избегнувајте ги сите видови сокови
Познато е дека соковите, особено газираните, содржат големо количество шеќер, но и оние сокови кои се продаваат како природни и здрави можат да имаат значително количество шеќер. Најдобро е да пиете многу вода, минерална вода без додадени вкусови, билни чаеви и незасладено кафе.
Избегнувајте готови сосови
Сосовите како кечап, мајонез и оние наменети за салати содржат многу шеќер. Сепак, повеќето луѓе не се свесни за тоа. Една порција кечап содржи околу пет грама шеќер. Наместо да користите сосови без додаден шеќер или да направите свој сос.
Јадете храна богата со хранливи состојки
Најдобриот можен избор е храната богата со хранливи состојки, бидејќи е без адитиви и други слични состојки. Ова вклучува цели парчиња овошје, мешунки, житарки, зеленчук и непреработено месо. За да избегнете додадени шеќери, обидете се да готвите повеќе со ваква храна.
Проверете ја количината на шеќер во конзервираната храна
Конзервираната храна може да биде одличен додаток во вашата исхрана, но мора да внимавате да не содржи многу шеќер. Овошјето и зеленчукот содржат природни шеќери, кои не се толку опасни, но кога се продаваат како конзервирана храна може да содржат додаден шеќер.
Избегнувајте благо за појадок
Слатката храна за појадок не е најдобрата опција, бидејќи наеднаш го зголемува нивото на шеќер во крвта. Покрај тоа, многу готови житарки, како што е гранолата, содржат поголеми количини шеќер, па затоа е подобро да ги замените со цели зрна како што е овесната каша.
