Екипата на Барселона вчера запиша победа над Спортинг со минимален резултат од 1:0 во Лисабон, на натпреварот од второто коло од групната фаза на Лигата на шампиони. Она што беше сензација на натпреварот не беше победничкиот гол.
Навивач на домашниот тим успеа да помине преку обезбедувањето и да истрча на терен каде веднаш ја искористи приликата да се доближи до ѕвездата на Барса, Лионел Меси.
Откако стигна до Аргентинецот, навивачот застана, го прегрна и размени неколку реченици со него, а пред да дојде обезбедувањето успеа да му ја бакне левата копачка на Меси кого го сметаат за еден од најдобрите фудбалери на светот.
Сепак, со ваквиот потег воопшто не ја одушеви публиката која реагираше со свирежи, а потоа целиот стадион почна да го скандира името на поранешниот играч на Спортинг, Кристијано Роналдо.
