Интересна снимка ни доаѓа од Француската Ривиера каде синоќа во Лигата на шампиони играа домашниот Марсеј и Ајнтрахт од Франкфурт.
Гостите од Германија славеа победа со минимални 1:0, но порд почетокот и по завршувањето на натпреварот имаше немири низ улиците на Марсеј.
Имено, домашните навивачи начекале група противнички навивачи од Франкфурт и ги нападнале, а за да не добие ќотек еден Германец спасот го најде во морето.
На снимката се гледа како навивачот на Ајнтрахт бега од француските хулигани и во еден момент одлучува дека веројатно најпаметно е да скокне в море за да се спаси.
