Фудбал

Навивачи на Интер го каменуваа автомобилот на сопругата на Икарди

16. февруари 2019 - 16:05 | А.С.

Аргентинскиот напаѓач Мауро Икарди е една од главните теми на италијанските медиуми откако Интер реши да му ја одземе капитенската лента, а сега се појави и веста дека навивачи на клубот ја нападнале неговата сопруга и менаџерка Ванда Нара.

Според првичните информации, Ванда била пресретната од група навивачи во близина на стадионот Сан Сиро, кои почнале да го гаѓаат со камења нејзиниот автомобил во кој била заедно со децата

Била викната полициска служба што дошла веднаш и спречила поголем инцидент.

Италијанските медиуми пишуваат дека автомобилот на Ванда е целосно уништен од надвор, но за среќа нема повредени. Идентитетот на напаѓачите уште не е познат.

Ванда (32) и Мауро (25) како тандем направија низа проблеми во соблекувалната на Интер, поради што миланскиот клуб одлучи да му ја одземе капитенската лента на еден од најдобрите напаѓачи на светот.

Навивачите на Интер ја обвинуваат токму неа за сите проблеми што се случуваат околу клубот, со оглед на тоа дека таа како менаџерка на Икарди го одолговлекува потпишувањето на неговиот нов договор, а исто така јавно ја коментира играта на одредени играчи, поради што дојде до поделба во тимот.

Коментирај