Навивачката култура во македонскиот фудбал не е на високо ниво. Среќа сезонава тука се кавадаречки Лозари да го подигнат нивото и разбијат монотонија.
Тиквеш синоќа гостуваше во Струга каде против истомениот противник на бреговите на Охридското Езеро одигра без голови и однесе драгоцен бод во Кавадарци.
Ако актерите на струшката публика не ѝ подарија некол гол на ладното време, за добра забава се погрижија гостите од Тиквешијата кои приредија вистинско шоу, какво што Стружани веројатно одамна немаат видено.
Бидејќи Струга настапува на стадионот „Градска плажа“ кој е на третолигашот Караорман, а тој е веднаш во плажата (оттаму и името), Кавадарчани тоа го искористија на многу оригинален и интересен начин.
Додека навивачката група Лозари правеше кореографија во ќошот од трибината, во делот за гостински навивачи, дел од нивните членови со две бротчиња доплевеа до стадионот и од вода направија бакљада.
Навистина ретка слика на македонската навивачка сцена која е за секоја пофалба.
Лозари не се активни од вчера, откако Тиквеш конечно се пласираше во Првата лига, туку веќе години наназад се зад својот миленик, дури и кога беше заглавен во подолните лиги.
Сезонава Тиквеш грчевито се бори за опстанок и моментално со 13 бодови е на 10. место, во зоната за бараж. Во ваква поддршка веруваме дека кавадарчани ќе се зибират за опстанок затоа што вакви навивачи ѝ недостасувата на Првата лига, а можеби ќе ги разбудат и останатите за поинтересна навивачка шареноликост.
Фото: Лозари Исток Кавадарци