Легендарниот француски фудбалер Тјери Анри е прогласен за најдобар играч во историјата на англиската Премиер лига во анкета спроведена меѓу навивачите.
Betfair спроведе анкета со YouGov на повеќе од 1.000 фудбалски фанови пред 30-годишнината од натпреварувањето, а легендата на Арсенал го победи Кристијано Роналдо и го зазеде првото место со 15% од гласовите.
Анри постигна 175 голови на 258 натпревари во Премиер лигата и ги предводеше „Топчиите“ до две првенствени титули. Доминираше со брзина, сила, техника, фудбалска елеганција и убиствена егзекуција и заслужено беше избран за најдобар досега во најсилната фудбалска лига во светот.
Најдобриот стрелец на Премиер лигата на сите времиња, Алан Ширер, се најде на третото место, додека Ерик Кантона и Стивен Џерард ги комплетираа најдобрите пет играчи на листата.
Шести беше Денис Бергкамп, а седмото место го зазеде египетскиот интернационалец Мохамед Салах. Покрај Роналдо и Салах, единствениот активен играч во топ 20 е Кевин Де Брујне од Манчестер Сити, кој е на осмото место.
1. Тиери Анри
2. Кристијано Роналдо
3. Алан Ширер
4. Ерик Кантона
5. Стивен Џерард
6. Денис Берхкамп
7. Мохамед Салах
8. Кевин Де Брујне
9. Рајан Гигс
10. Серхио Агуеро
11. Френк Лампард
12. Петер Шмајхел
13. Пол Сколс
14. Вејн Руни
15. Рој Кин
16. Дидје Дрогба
17. Патрик Виера
18. Венсан Компани
19. Петр Чех
20. Рио Фердинанд