Фудбал
ЛИГА НА ШАМПИОНИ 2019/20

Навивачите на Аталанта го запалија аеродромот во Бергамо

12. декември 2019 - 13:35 | Ф.З.

По историскиот успех на Аталанта следуваше дочек на аеродромот каде стотиците навивачи славеа доцна во ноќта претворајќи го аеродромот во навивачка трибина.

Аталанта вчера го постигна најголемиот успех во клупската историја откако се пласираше во осминафиналето од најсилното клупско натпреварување на светот, Лигата на шампиони на УЕФА. Со голема победа од 3:0 на гости кај украински Шахтар, фудбалерите заслужија пречек каков што и добија.

Чартер летот Харков - Бергамо слета на аеодромот Караваџо крај Бергамо во 2 часот по полноќ, а доцниот ноќен час не беше пречка скоро две илјади навивачи да го пречекаат враќањето на нивните херои.

Клупскиот автобусот тргна околу 2 и 30 по полноќ, но немаше шанси туку така да го напушти Караваџо. Веднаш до возачот низ шофершајбната се гледаше заменик-капитенот Ремо Фројлер како ја води забавата во автобусот.

Забавата сепак не остана на Караваџо туку се пресели во населбата Ѕингонија каде е спортскиот ценат Бортолоти, домот на Аталанта. Таму нов куп навивачи, часот бееше 3 и 20 минути по полноќ, а снегот само ја збогати атмосферата.

Ова е најголем успех на Аталанта од причина што претходно клубот има само едно полуфинале, но во стариот Куп на победници на купови кога во сезоната 1987/88 белгиски Мехелен ги спречи да стигнат до финалето. Ниту во Италија популарната „Деа“ не може да се пофали со некој успех. Има само еден трофеј и тоа во Копа Италија освоен во далечната 1962/63.

Минативе неколку сезони Аталанта е при врвот во Серија А и редовно изборува настап во европските натпреварувања.

Во Лигата на шампиони сезонава дебитираше. Претходно има 24 натпревари во Куп на УЕФА и Лига Европа, како и 11 во Купот на победници на куповите.

Коментирај