„Оди си од мојот клуб“, гласи една од илјадниците негативни пораки до Ромелу Лукаку оставени од навивачите на Челси по новиот лош настап на белгискиот голгетер.
Интер не жали за продажбата на Ромелу Лукаку, додека навивачите на Челси се бесни по новата разочарувачка партија на скапото летно засилување на нивниот тим.
Лукаку сезонава постигна 8 гола на 22 настапа во сите натпреварувања за Челси, а клубот за него на Интер летоска му искешира 115 милиони евра.
Се чини дека навивачите на „Сините“ од Лондон го загубија трпението со Белгиецот по бледата негова игра на дербито со Манчестер Сити, кое Челси го загуби со 1:0 на гости во саботата и се оддалечи од врвот.
На социјалните мрежи повторно се актвираше хаштгот #Lukakuout кој наголемо беше употребуван во декември по она контроверзно интервју на колосниот напаѓач за Sky Sport Italia.
Договорот на Лукаку со клубот од „Стемфорд Бриџ“ е до 2026 година, но Тотенхем со Антонио Конте се споменува како можно решение на проблемите и тоа во летниот преоден рок.