Разочарани од лошата игра и лошите резултати, навивачите на Интер истакнаа заканувачка парола кон играчите која содржи и закана за ќотек.
„Оној дрес кој ти го носиш... треба да се почитува!!!
Почнете да играте машки или ќе ви дојдеме со стапови!!!“
Паролата е потпишана CN69, односно Курва Норд 69, како што се вика навивачката група која традиционално ја окупира северната трибина на стадионот „Џузепе Меаца“. Фактот што потписот е на целата група, а не на одредена подгрупа, доволно говори дека кај сите навивачи на Интер незадоволството е огромно.
Интер има кастарофален ефект во Лигата на шампионите каде чашата се прелеа по неочекуваниот пораз дома од Реал Мадрид во средата. Со само два нерешени натпревари „Нераѕурите“ на две кола до крајот се заковани на дното на табелата со теоретски шанси за пласман во осминафиналето.
Ниту во Серија А не им оди бидејќи го загубија големото градско дерби со Милан (1:2), а направија и непланиран кикс дома со Парма (2:2).
Денеска од 15 часот Интер гостува кај забрефтаниот Сасуоло, традиционално незгоден противник на тимот од Милано.