Јануарскиот трансфер период ни донесе многу трансфери, а еден од најголемите беше трансферот на Чилеанецот Алексис Санчез од Арсенал во редовите на Манчестер Јунајтед. Сепак, навивачите на „Црвените ѓаволи“ не се задоволни.
Алексис Санчез стигна на „Олд Трафорд“ како големо засилување после три и пол години поминати во Арсенал, каде два пати го освои Фа Купот, односно постигнуваше голем број на голови.
Меѓутоа, откако во јануари дојде во Јуанјтед, Алексис не е на нивото на кое беше во дресот на „Топџиите“. Постигна само еден гол за „Црвените Ѓаволи“ и тоа откако промаши пенал, а топката од голманот повторно се врати во него, за тој потоа лесно да ја смести во празната мрежа.
Навивачите се незадоволни бидејќи очекуваа многу повеќе од новата „седмица“. Своето незадоволство го изразија и преку коментари на Twitter.
„Најдобри перфроманси од доаѓањето во Манчестер Јунајтед Алексис Санчезс имаше кога свиреше клавир“. „Алексис Санчез е ужасен во Јунајтед. Мислите ли дека ќе се вклопи? Има 29 години“. „Алексис 39 пати ја загуби топката во првото полувреме, тоа е рекорд во нокаут фазата од Лигата на шампионите“, гласат само некои од коментарите на разочараните навивачи.
Од друга страна, во друг правец отиде Михтарјан, односно од Јунајтед премина во Арсенал. Досега запиша шест асистенции за „Топџиите“, а толку собра во текот на цела своја кариера на „Олд Трафорд“.
Исто така, постигна два гола за Арсенал, меѓу кои и оној клучниот гол на „Сан Сиро“ во Лига Европа, односно во победата од 2:0 над Милан.