Гонзало Игуаин (31) немаше многу прилики за славење погодок сезонава ни во дресот на Милан, ни во редовите на Челзи, но вчеравечер славеше гол и тоа на најнеобичен начин.
Во натпреварот против Барнли, топката на Игуаин заврши во голот, а лицето на фудбалерот во деколтето на пресреќна навивачка на Челзи.
Аргентинецот во 14-тата минута го постигна четвртиот гол во Премиер лигата и ја донесе екипата на Челзи во водство, на огромна радост на менаџерот Маурисио Сари и поголемиот дел од вкупно 46.000 навивачи на Стемфорд Бриџ и милиони фанови ширум светот.
Во радост, Игуаин се фрли во прегратка на обожавателка во првот ред на трибините која, фудбалски кажано, го дочека „на гради“.
Снимката од прославата е вирална атракција на социјалните мрежи веќе втор ден.