Една навивачка од Саудиска Арабија предизвика големо внимание на стадионот во Ријад, каде домашната селекција и Хрватска денеска одиграа пријателски натпревар.
Имено, навивачката крена порака на која пишуваше дека го бара дресот на Лука Модриќ и Салман Ал Фараџ бидејќи е голем фан на двајцата.
„Лука Модриќ и Салман Ал Фараџ, јас сум голем фан, може ли да ми ги дадете вашите дресови“, вели пораката на навивачката, која според саудиските закони за присуство на жени на спортски натпревари беше „соодветно“ облечена.
Една од најголемите ѕвезди на претстојниот Мундијал во Катар секако предизвика интерес и кај останатите фудбалски фанови во оваа азиска земја.
На стадионот се собраа неколку илјади навивачи, но сепак добар дел од трибините беше празен. Се верува дека големата жештина ги спречила гледачите да дојдат во поголем број.
Натпреварот, кој е последен тест за Хрватска пред Мундијалот, се во 13 часот, или 15 часот по локално време, а „Ватрените“ победија со 1:0 благодарение на голот на Андреј Крамариќ постигнат во 82. минута.
Хрватска на Мундијалот во Катар отвора во среда против Мароко од 11:00 часот по македонско време, а по тој дуел во групната фаза ќе се соочат и со Канада (27 ноември) и Белгија (1 декември).