Само четири натпревари беа на вчерашната програма во НБА лигата, од кои само еден донесе резултатско изненадување. Актуелниот шампион, Голден Стејт Вориорс, стигна до очекувана и лесна победа против едно од изненадувањата на сезоната, Минесота Тимбервулвс.
Екипата на Голден Стејт Вориорс оствари победа на домашен терен против Минесота Тимбервулвс со резултат 126:113.
Десеттиот трипл-дабл учинок во кариерата на Кевин Дурент само им ја олесни работата на Вориорс, кои ја имаа контролата над противникот во текот на целиот меч. Дурент уфрли 28 поени, 10 скока и 11 асистенции, додека Стеф Кари имаше 25 поени и 9 асистенции. Добар натпревар одигра и Клеј Томпсон, кој исто така уфрли 25 поени.
Во тимот на Минесота Тимбервулвс, како што и се очекуваше, најдобар беше Карл Ентони Таунс со учинок од 31 поени и 11 скокови, а од клупата поддршка му даде Џамал Крафорд со 21 поен. Сепак, тоа не беше доволно за да го избегнат 21-от пораз во сезоната.
Останати резултати:
Мајами Хит – Сакраменто Кингс 88:89
Оклахома Сити Тандер – Вашингтон Визардс 121:112
Денвер Нагетс – Њујорк Никс 130:118