Вчерашната вечер во НБА лигата понуди 10 натпревари на програмата, а неколку од натпреварите донесоа голема возбуда и неизвесност. Во еден од нив, екипата на Голден Стејт Вориорс успеа да стигне до 14-та гостинска победа во серија, на гостувањето кај Чикаго Булс.
Во составот на Вориорс фалеа Дрејмонд Грин и Андре Игудала, но тоа не ги спречи останатите играчи од тимот да дојдат до очекувана победа против Чикаго Булс, со резултат 119:112.
На грбот на „Браќата Сплеш“, Стеф Кари и Клеј Томпсон, Голден Стејт Вориорс стигна до 14-та гостинска победа по ред и успеа да го „скроти“ залетаниот тим на Чикаго Булс. Кари постигна 30, а Томпсон 38 поени во вчерашниот меч, но она што го загрижи тимот на Вориорс е повредата на Џордан Бел, кој уште во првата минута лошо доскокна на зглобот и мораше да биде изнесен во количка.
Кај Чикаго Булс најефикасен беше Никола Миротиќ, кој од клупата имаше уште една импресивна партија во која за 27 минути постигна 24 поени. Крис Дан додаде 16 поени, а Лаури Марканен допринесе со 11 поени и 8 скока.
Останати резултати:
Шарлот Хорнетс – Вашингтон Визардс 133:109
Атланта Хокс – Њу Орлеанс Пеликанс 94:93
Бруклин Нетс – Сан Антонио Спарс 95:100
Торонто Репторс – Детроит Пистонс 96:91
Мемфис Гризлис – Њујорк Никс 105:99
Милвоки Бакс – Мајами Хит 101:106
Оклахома Сити Тандер – Лос Анџелес Лејкерс 114:90
Сакраменто Кингс – Јута Џез 105:120
Лос Анџелес Клиперс – Денвер Нагетс 109:104