Иако тимот на Бостон Селтикс очекуваше лесна победа од гостувањето кај Шарлот Бобкетс, но „нагази“ на расположениот Кемба Вокер, кој со уште едно херојско издание ја одржува надежта дека неговиот тим ќе стигне до место во плејофот од Источната конференција.
Составот на Шарлот Бобкетс се избори за многу значајна победа против Бостон Селтикс со конечен резултат 117:112.
Синоќа Кемба Вокер повторно беше незапирлив и постигна 43 поени, со што забележа вкупно 103 поени во двата последни натпревари. Тој беше главниот поентер во составот на Бобкетс, а квалитетна поддршка доби единствено од Џереми Лемб и Вили Хернангомез, кои постигнаа 18, односно 14 поени.
Уште една вечер и уште една одлична партија за Кајри Ирвинг - тој вечерта ја заврши со 27 поени и 11 асистенции, но шутираше само 1/8 од зад линијата за три поени и на крајот тоа се покажа како решавачката разлика помеѓу неговиот тим и Шарлот Бобкетс. Нешто подобра ефикасност покажа Џејсон Тејтум, но неговите 18 поени не беа доволни за да го спаси тимот на Селтикс од пораз.
Останати резултати:
Детроит Пистонс – Кливленд Кавалирс 113:102
Индијана Пејсерс – Јута Џез 121:94
Филаделфија Севентисиксерс – Феникс Санс 119:114
Атланта Хокс – Лос Анџелес Клиперс 119:127
Мемфис Гризлис – Далас Маверикс 98:88
Милвоки Бакс – Денвер Нагетс 104:98
Њу Орлеанс Пеликанс – Сан Антонио Спарс 140:126
Сакраменто Кингс – Оклахома Сити Тандер 117:113