Тимот на Лос Анџелес Лејкерс полека влегува во формата која се надеваше дека ќе ја има кога Леброн Џејмс пристигна во Калифорнија. Најдобриот играч на светот синоќа уште еднаш докажа дека годините не му претставуваат пречка и сѐ уште е главното шоу во НБА лигата.
Леброн Џејмс се врати во Флорида и со тимот на Лос Анџелес Лејкерс стигна до победа против Мајами Хит со резултат 113:97.
Пред Леброн да пристигне во Калифорнија, последниот играч кој стигна до 50 поени во дресот на Лејкерс беше Коби Брајант. Од синоќа, Лејкерс имаат нов член на „клубот 50“ – Кралот Џејмс. Тој забележа 51 поен и 8 скока и го предводеше гостинскиот тим до победа против неговиот поранешен тим Мајами Хит. Ниту еден друг играч на Лејкерс не постигна ни 20 поени, најблиску дојде Кентавиус Колдвел-Поуп, кој го заврши мечот со 19 поени.
Домаќините играа без неколку стандардни првотимци и не успеаја да го надополнат недостатокот на квалитет во составот. Без Горан Драгиќ, Дион Вејтерс и Двејн Вејд составот на Хит не беше доволно добар противник и загуби убедливо на домашен терен. Најдобар поединец на Мајами беше Џош Ричардсон, кој забележа 17 поени и 6 скока, а истиот учинок го имаше и Тајлер Џонсон.
Останати резултати:
Минесота Тимбервулвс – Мемфис Гризлис 87:100
Орландо Меџик – Њујорк Никс 131:117
Вашингтон Визардс – Портланд Трејл Блејзерс 109:119
Сан Антонио Спарс – Голден Стејт Вориорс