Кошаркарот на Далас, Словенецот Лука Дончиќ, е главен кандидат за најкорисен играч во новата сезона, покажуваат резултати од анкетата која челниците на НБА лигата ја спровеле со генералните менаџери на сите клубови, објавија денеска американските медиуми.
Најкорисниот играч во изминатите две НБА сезони, Србинот Никола Јокиќ, не е меѓу четирите кандидати за признанието.
Дури 48% од анкетираните сметаат дека Дончиќ е главен фаворит за МВП признанието, пред Јанис Адетокумбо (34%), Жоел Ембиид (14%) и Стеф Кари (3%).
Главен кандидат за освојување на шампионската титула, според анкетата, е Милвоки Бакс (43%), пред Голден Стејт Вориорс (25%), Бостон Селтикс (21%) и Лос Анџелес Клиперс (11%).
