Со триумфот во синоќешниот натпревар против Филаделфија Севентисиксерс, тимот на Бостон Селтикс стигна до четврта победа во серијата и се пласираше во финалето од Источната конференција, каде ги чека дуел со Леброн Џејмс и тимот на Кливленд Кавалирс.
Тимот на Бостон Селтикс пред домашната публика стигна до победа против Филаделфија Севентисиксерс со конечен резултат 114:112.
Селтикси втора година по ред го најдоа патот до Источното финале, откако синоќа ја забележаа четвртата победа во петтиот натпревар во серијата против Севентисиксерс. Иако на почетокот на серијата малкумина им даваа шанса, сепак тренерот Бред Стивенс и неговата група од играчи покажаа дека тимот со победничка ДНК секогаш ќе биде оној кој се радува на крајот од денот. На врвот на листата на стрелци беше импресивниот новајлија Џејсон Тејтум кој постигна 25 поени, а еден помалку од него забележа Џејлен Браун.
Во тимот на Филаделфија индивидуално се истакнаа Дарио Шариќ и Џоел Ембиид, кои постигнаа по 12 поени, а и двајцата имаа двоцифрен број скокови. Уште еден солиден натпревар одигра потенцијалниот Новајлија на годината, Бен Симонс, забележувајќи 18 поени, 8 скока и 6 асистенции.
Првиот натпревар од финалето во Источната конференција ќе се одигра во недела од 21:30 часот.