Вчерашната вечер во НБА лигата донесе само 4 натпревари, но тие беа доволни за да испишат уште една возбудлива ноќ во најатрактивната кошаркарска лига во светот.
Њу Орлеанс Пеликанс на домашен терен го совладаа тимот на Бостон Селтикс со резултат 108:89.
Ентони Дејвис го предводеше тимот на Пеликанс до нова победа и зацврстување на позицијата во борбата за плејоф во Западната конференција. Тој постигна 34 поени и фати 11 скока, со што беше најдобар во двете статистички категории во натпреварот. Ражон Рондо како дел од првиот тим се покажа како добар плејмејкер, забележувајќи 11 асистенции.
Тимот на Бостон Селтикс се бори со повреди, а вчера отсустваа дури 5 играчи кои се дел од стандардната ротација, од кои дури тројца ја имаат улогата на стартери. Без Ирвинг, Хејворд, Браун, Смарт и Тајс, Селтикси не можеа многу да направат, иако одличен натпревар одигра новајлијата Џејсон Тејтум, кој постигна 23 поени. Ал Хорфорд, кој се очекуваше да биде предводник на тимот од Бостон во периодот кога Кајри Ирвинг е повреден, разочара и имаше катастрофален шут од поле 3/11.
Останати резултати:
Торонто Репторс – Оклахома Сити Тандер 125:132
Минесота Тимбервулвс – Хјустон Рокетс 120:129
Лос Анџелес Клиперс – Портланд Трејл Блејзерс 109:122
