Вчера вечерта на НБА терените се одиграа дури 11 натпревари, а Бостон Селтикс дојдоа до очекувана победа на гостувањето кај Далас Маверикс, иако им требаше едно продолжение за да го направат тоа.
Бостон Селтикс славеа на гостувањето во Тексас, против тимот на Далас Маверикс, со резултат 110:102. До овој резултат се дојде преку едно продолжение.
Кајри Ирвинг го имаше својот најдобар натпревар во дресот на Селтикс, постигнувајќи 47 поени со само 22 шута од поле. Тој погоди 5 од 7 упатени тројки и промаши само едно слободно фрлање од 11 обиди на патот кон победата против Маверикс.
Добра поддршка имаше и од Џејлен Браун, кој постигна 22 поени, а имаше и 9 скока.
Во тимот на Далас Маверикс најдобар поединец беше Харисон Барнс, со 31 поен, а солиден беше и ветеранот Дирк Новицки, кој уфрли 14 поени и 12 скока.
Останати резултати:
Шарлот Хорнетс – Минесота Тимбервулвс 118:102
Детроит Пистонс – Кливленд Кавалирс 88:116
Орландо Меџик – Индијана Пејсерс 97:105
Филаделфија Сиксерс – Јута Џез 107:86
Њујорк Никс – Лос Анџелес Клиперс 107:85
Мемфис Гризлис – Портланд Трејл Блејзерс 92:100
Милвоки Бакс – Вашингтон Визардс 88:99
Сан Антонио Спарс – Атланта Хокс 96:85
Сакраменто Кингс – Денвер Нагетс 98:114