Кошарка

НБА плејоф: Милвоки поведе во финалната серија на Истокот

16. мај 2019 - 10:49 | К.З.

Јанис Антетокунмпо и дружината продолжија онаму каде што застанаа во полуфиналната серија против Бостон Селтикс. Тимот на Милвоки Бакс синоќа го контролираше натпреварот и полесно од очекувањата стигна до победа против Торонто Репторс.

Милвоки Бакс го совладаа тимот на Торонто Репторс со 108:100 и стигнаа до водство од 1-0 во финалето на Источната конференција.

Како и во текот на целата сезона, составот на Милвоки Бакс изгледаше доминантно на теренот во првиот натпревар од финалната серија против Торонто Репторс. Овојпат предводник на листата на стрелци беше Брук Лопез со 29 поени, а „грчкото чудо“ Јанис Антетокунмпо забележа дабл-дабл со 24 поени и 14 асистенции.

Кавај Ленард и Кајл Лаури постигнаа 31, односно 30 поени, обидувајќи се да го остават во игра тимот на Репторс. Но, не им помогна фактот што двајца од првотимците, Марк Гасол и Дени Грин, останаа со едноцифрен број поени.

Вториот натпревар е на програмата во сабота наутро и повторно ќе се одигра во салата во Милвоки.

Коментирај