Дури 14 натпревари беа на програмата вчера вечерта во НБА лигата, а фановите кои останаа будни до подоцна можеа да го проследат поразот на Голден Стејт Вориорс од Оклахома Сити Тандер, како и крајот на победничката серија на Селтикс.
Бостон Селтикс беа запрени на патот кон 17-та победа по ред во Мајами, од тимот на Хит, кој полека дава знаци дека може да се врати во формата од вториот дел од минатата сезона.
Кајри Ирвинг со 23 поени не можеше да му помогне на тимот на Селтикс и тие го претрпеа само третиот пораз во сезоната. Од другата страна, Горан Драгиќ и Дион Вејтерс одиграа одлични натпревари, постигнувајќи 27, односно 26 поени и ја донесоа победата за тимот на Мајами Хит со резултат 104:98.
Кевин Дурант се сретна со неговиот поранешен тим Оклахома Сити Тандер, но беше поразен и му остави простор на Расел Вестбрук да се радува во уште една психолошка војна со крилниот играч на Вориорс. Конечниот резултат беше 108:91 во корист на Оклахома.
Најдобар на мечот беше Расел Вестбрук, постигнувајќи 34 поени, а притоа додаде и 10 скока и 9 асистенции. Кај Вориорс разочараа Грин и Томпсон, кои заедно постигнаа 15 поени.
Останати резултати:
Шарлот Хорнетс – Вашингтон Визардс 129:124
Кливленд Кавалирс – Бруклин Нетс 119:109
Филаделфија Сиксерс – Портланд Трејл Блејзерс 101:81
Атланта Хокс – Лос Анџелес Клиперс 103:116
Њујорк Никс – Торонто Репторс 108:100
Хјустон Рокетс – Денвер Нагетс 125:95
Мемфис Гризлис – Далас Маверикс 94:95
Минесота Тимбервулвс – Орландо Меџик 124:118
Њу Орлеанс Пеликанс – Сан Антонио Спарс 107:90
Феникс Санс – Милвоки Бакс 107:113
Јута Џез – Чикаго Булс 110:80
Сакраменто Кингс – Лос Анџелес Лејкерс 113:102