Раководството на Националната кошаркарска асоцијација на Северна Америка (НБА) и Унијата на играчи (НБПА) постигнаа договор за намалување на платите од 25 проценти за време на пандемијата од коронавирус.
Веста ја објави новинарот на ЕСПН, Адријан Војнаровски, на Twitter.
Според новинарот, кој цитира преговарач, мерката треба да стапи во сила на 15 мај. Договорот разгледува постепено намалување на платите во паузата во НБА првенството предизвикано од пандемијата. Но, играчите ќе ја добијат целосната плата за април.
НБА лигата го стопираше редовниот шампионат на 12-ти март поради коронавирусот. Одлуката е донесена откако тестот на центарот на Јута Џез, Руди Гобер беше позитивен. Во наредните часови и денови, уште неколку клубови објавија дека во своите редови имаат заразени кошаркари.
Самиот вирус се појави и се шири во кинескиот град Вухан на крајот на 2019 година, а на 11 март Светската здравствена организација прогласи пандемија.