Вчерашната вечер во НБА лигата донесе многу изненадувања, позитивни и негативни, кои можеби ќе бидат пресудни за понатамошниот тек на сезоната. Фаворитите не дозволија изненадувања и рутински ги завршија нивните обврски.
Голден Стејт Вориорс на домашен терен обезбедија победа против Атланта Хокс, со резултат 106:94.
Не е изненадувачки фактот што Стеф Кари беше најефикасен во тимот на Вориорс со 29 поени, туку загрижувачка за тимот од Оукленд е неговата повреда на коленото, поради која мораше да го напушти мечот уште во третата четвртина. Кари го истегна коленото откако неговиот соиграч Џавел МекГи падна на неговата нога неконтролирано. Кошаркарот на актуелниот шампион денеска ќе оди на снимање за да се провери сериозноста на повредата.
Торијан Принс беше најдобар поединец на гостите од Атланта, со 20 поени и 4 скока. Солиден беше и германскиот плејмејкер Денис Шродер, кој мечот го заврши со 16 поени и 7 асистенции.
Останати резултати:
Индијана Пејсерс – Лос Анџелес Клиперс 109:104
Вашингтон Визардс – Денвер Нагетс 100:108
Кливленд Кавалирс – Феникс Санс 120:95
Њујорк Никс – Минесота Тимбервулвс 104:108
Торонто Репторс – Бруклин Нетс 116:112
Чикаго Булс – Милвоки Бакс 105:118
Оклахома Сити Тандер – Мајами Хит 105:99
Сан Антонио Спарс – Јута Џез 124:120
Портланд Трејл Блејзерс – Бостон Селтикс 100:105
