Најдобриот шутер во историјата на НБА лигата синоќа го постигна 15.000-от поен во професионалната кариера и стана само петтиот кошаркар кој успеал тоа да го направи носејќи го дресот на Голден Стејт Вориорс.
Со неговите 20 поени, Кари му помогна на неговиот тим да обезбеди победа пред домашната публика против тимот на Мемфис Гризлис. Конечниот резултат беше 110:93 и Вориорс стигнаа до 21 победа во оваа сезона.
Уште една вечер и уште една страница испишана во историјата на Голден Стејт Вориорс. Стеф Кари стана само петтиот играч на овој клуб кој стигна до бројка од 15.000 поени, а неговата специјална вечер беше крунисана со победата над Мемфис Гризлис. Одлична вечер одигра Кевин Дурент, кој мечот го заврши со 23 поени и 5 асистенции, додека Клеј Томпсон и Јонас Јеребко додадоа по 16 поени.
Играчите на Мемфис немаа решение во одбраната за моќниот напад на Вориорс, но тоа не значеше дека не се трудеа да обезбедат поволен резултат. Најдобар поединец кај гостите беше Омри Каспи со 20 поени и 6 скока, додека Марк Гасол додаде 15 поени, 6 скока и 6 асистенции.
Останати резултати:
Детроит Пистонс – Милвоки Бакс 104:107
Њујорк Никс – Феникс Санс 110:128
Хјустон Рокетс – Јута Џез 102:97
Минесота Тимбервулвс – Сакраменто Кингс 132:105
Оклахома Сити Тандер – Чикаго Булс 121:96
Сан Антонио Спарс – Филаделфија Севентисиксерс 123:96
Лос Анџелес Клиперс – Портланд Трејл Блејзерс 127:131