Минатата вечер се одиграа само 3 натревари во НБА лигата, а вечерта ја одбележи бизарната повреда на Девин Букер, кој мораше да биде изнесен надвор од теренот.
Феникс Санс беа поразени на гостувањето кај Торонто Репторс со резултат 126:113, но многу позагрижувачка за нив беше повредата на најдобриот играч, Девин Букер.
Репторс ја оправдаа улогата на фаворити во натпреварот против Феникс и победија без поголеми маки. Уште еднаш, како и обично, бековското дуо составено од Кајл Лаури и Демар Дероузен беше клучно за победата, бидејќи и двајцата постигнаа по 20 поени.
Кај Санс најдобар поединец беше Девин Букер, но тој се повреди при самиот крај на натпреварот, па мораше да биде изнесен надвор од теренот со помош на неговите соиграчи.
По натпреварот, на младиот Букер му беше дијагностицирана повреда на препоните, што веројатно ќе го оддалечи од терените во наредните 3-4 недели.
Останати резултати:
Оклахома Сити Тандер – Јута Џез 100:94
Портланд Трејл Блејзерс – Вашингтон Визардс 92:106