Уште една вечер исполнета со НБА кошарка и уште една победа на тимот на Торонто Репторс. Канадскиот тим е прв во Источната конференција и засега изгледа дека таму ќе остане до крајот на сезоната.
Торонто Репторс забележа гостинска победа против Индијана Пејсерс, со резултат 106:99.
Тимот на Репторс стигна до 51 победа оваа сезона, уште еднаш најмногу благодарение на Демар Дероузен, кој ја заврши вечерта со 24 поени, 4 скока и 7 асистенции. Литванецот Јонас Валанчиунас постави дабл-дабл со 16 поени и 17 скока, а имаше и 4 блокади. На крајот на натпреварот 6 играчи на тимот имаа двоцифрен број поени.
Падот на формата на Виктор Оладипо по Ол-Стар викендот веќе почна да станува многу забележлив, па тој и вчера не можеше да се пофали со одлична партија, постигнувајќи само 18 поени притоа шутирајќи со само 42% успешност од поле. Најефикасни кај Индијана Пејсерс беа двајцата играчи од клупата, Дарен Колисон и Ал Џеферсон, кои постигнаа 22, односно 20 поени.
Останати резултати:
Атланта Хокс – Шарлот Хорнетс 117:129
Њујорк Никс – Филаделфија Сиксерс 110:118
Хјустон Рокетс – Лос Анџелес Клиперс 101:96
Мемфис Гризлис – Чикаго Булс 110:111
Сан Антонио Спарс – Њу Орлеанс Пеликанс 98:93
Денвер Нагетс – Детроит Пистонс 120:113
Јута Џез – Феникс Санс 116:88
Портланд Трејл Блејзерс – Кливленд Кавалирс 113:105