Шест натпревари беа на програмата синоќа во НБА лигата, на кои домаќинските и гостинските тимови поделија по три победи.
Во најинтересниот натпревар од вечерта, Лос Анџелес Лејкерс го доби дуелот со Денвер Нагетс со резултат 127:109, а младиот Лонзо Бол забележа трипл-дабл учинок.
Лонзо Бол им одговори на критичарите со трипл-дабл, втор во неговата кратка НБА кариера, и го доведе до победа тимот на Лос Анџелес Лејкерс. Тој забележа 11 поени, 16 скока и 11 асистенции во синоќешниот натпревар. Џулиус Рендл ја предводеше листата на стрелците во тимот на Лејкерс, стартувајќи од клупата тој постигна 24 поени.
На спротивната страна стартерите на Денвер беа под своето ниво и заедно постигнаа само 58 поени. Никола Јокиќ имаше разочарувачки натпревар, со 6 поени и 6 скока, а притоа одигра само 11 минути.
Останати резултати:
Торонто Репторс – Вашингтон Визардс 100:91
Мајами Хит – Индијана Пејсерс 95:120
Бруклин Нетс – Голден Стејт Вориорс 111:118
Минесота Тимбервулвс – Детроит Пистонс 97:100
Феникс Санс – Чикаго Булс 113:105