Америка е поранешна Британска колонија и поради тоа постои митот дека Американците во најголем дел се потомци на Англичаните. Но, тоа не е точно.
Истражувањето на потомството, кое секој жител на САД мора да го пополни при попис, открива дека од Стариот континент убедливо најмногу Американци имаат ирско потекло. Ова важи за тие што се родени во САД, не за имигрантите кои допрва го почнуваат својот нов живот или скоро го почнале.
Ирските доселеници продонеле кон модерните Американци со неверојатни 611%, додека англичаните не се ни на второто место. Најголемиот бран доселувања на Ирците во САД се случува во 19. век. На пописот во 2017 година дури 33 милиони Американци се декларирале како Ирци. Над 20% од населението се Ирци во сојузните држави Масачусец и Њу Хемпшир, а од 15 до 20% се во Род Ајленд, Меин, Вермонт, Делавер, Пенсилванија, Конектикат и Њу Џерси. Ирци се и поранешните претседатели Џон Ф. Кенеди, Роналд Реган, Џорџ Буш (и таткото и синот), а ирско потекло по мајчина страна има и Барак Обама. Ирец е и сегашниот кандидат Џо Бајден.
Со 60 до 100% продонес се Шкотланѓаните, Велшаните и Норвежаните, три народи кои се на делба на второто место.
Тек потоа, на делба на третото место со 40 до 60% се Англичаните и Германците.
Швеѓаните, Данците, Холанѓаните, Полјаците, Литванците и Италијанците придонесуваат со 20 до 40%.
Португалците, Французите, Исланѓаните, Луксембуржаните, Швајцарците, Австријците, Чесите, Словаците, Словенците, Хрватите, Малтежаните, Албанците, Грците и Ерменците имаат од 5 до 20% придонес.
Сите останати, вклучувајќи ги и Македонците, имаат помалку од 5% придонес во американскиот народ. Тука спаѓаат Шпанците, Белгијците, Русите, Естонците, Латвијците, Украинците, Романците, Србите, Бугарите и Турците.
